ఏపీ కొత్త పింఛన్లు:
ఆంధ్రప్రదేశ్ వ్యాప్తంగా కొత్త పింఛన్లకు (AP New Pensions) సంబంధించిన దరఖాస్తుల ప్రక్రియ ప్రారంభమైంది. కొత్తగా పింఛన్ పొందేందుకు అర్హులైన అభ్యర్థులు గ్రామ మరియు వార్డు సచివాలయాల ద్వారా దరఖాస్తు చేసుకోవచ్చు. సచివాలయాల వద్ద అనవసరమైన తిరుగులాటలు లేకుండా ఉండేందుకు దరఖాస్తుదారులు ముందస్తుగా సరైన ప్రూఫ్స్ (డాక్యుమెంట్లు) తీసుకెళ్లడం చాలా ముఖ్యం.
అన్ని పింఛన్లకు కామన్ గా ఉండాల్సిన సాధారణ పత్రాలు:
ఏ రకమైన పింఛన్కు దరఖాస్తు చేయాలన్నా ప్రతి ఒక్కరి వద్ద ఈ క్రింది పత్రాలు తప్పనిసరిగా ఉండాలి:
- రైస్ కార్డ్ (రేషన్ కార్డ్)
- ఆధార్ కార్డ్
- ఆధార్తో లింక్ అయిన మొబైల్ నంబర్ (ఓటీపీ ధృవీకరణ కోసం)
- ఆదాయ ధ్రువీకరణ పత్రం (Income Certificate) & పాస్పోర్ట్ సైజ్ ఫోటోలు
వివిధ రకాల పింఛన్లు (AP New Pensions) – కావలసిన అర్హతలు & డాక్యుమెంట్ల వివరాలు:
1. వృద్ధాప్య పింఛన్ (Old Age Pension)
- అర్హత: సాధారణ అభ్యర్థులకు 60 సంవత్సరాలు పైబడి ఉండాలి. ఎస్టీ (ST) వర్గానికి చెందిన వారైతే 50 ఏళ్లు నిండి ఉంటే సరిపోతుంది.
- కావలసిన పత్రాలు: రేషన్ కార్డ్, ఆధార్ కార్డ్, ఆధార్ అప్డేట్ హిస్టరీ (వయస్సు మార్పులపై ప్రభుత్వ తనిఖీ కోసం), ఇన్కమ్ సర్టిఫికెట్ మరియు కుల ధ్రువీకరణ పత్రం.
2. వితంతు పింఛన్ (Widow Pension)
- అర్హత: 18 సంవత్సరాలు నిండి ఉండాలి.
- కావలసిన పత్రాలు: భర్త డెత్ సర్టిఫికెట్, భర్త ఆధార్ కార్డ్, దరఖాస్తుదారుని ఆధార్ కార్డ్, రేషన్ కార్డ్, ఆధార్తో లింక్ అయిన ఫోన్ నంబర్, ఇన్కమ్ సర్టిఫికెట్, కాస్ట్ సర్టిఫికెట్.
3. ఒంటరి మహిళల పింఛన్ (Single Women Pension)
- అర్హత: 50 సంవత్సరాలు పైబడి ఉండాలి.
- కావలసిన పత్రాలు: తహశీల్దార్ (MRO) జారీ చేసిన ‘ఒంటరి మహిళ సర్టిఫికెట్’ లేదా విడాకుల పత్రం (Divorce Certificate), రేషన్ కార్డ్, ఆధార్ కార్డ్, ఇన్కమ్ సర్టిఫికెట్ మరియు ఆధార్తో లింక్ అయిన ఫోన్ నంబర్.
4. దివ్యాంగుల పింఛన్ (Disabled Pension)
- అర్హత: 40% కంటే ఎక్కువ శాశ్వత వైకల్యం కలిగి ఉండాలి.
- కావలసిన పత్రాలు: సదరం (SADAREM) సర్టిఫికెట్ (తప్పనిసరి), రేషన్ కార్డ్, ఆధార్ కార్డ్, వైకల్యం స్పష్టంగా కనిపించే లేటెస్ట్ ఫోటో.
AP రైతులకు ఈ రోజు నుంచి డబ్బులు 5,000+4,000 పడుతున్నాయ్ ఖాతాలో చూసుకోండి Payment Status Link :Click Here
5. చేనేత పింఛన్ (Weavers Pension)
- అర్హత: 50 సంవత్సరాలు పైబడి ఉండాలి.
- కావలసిన పత్రాలు: జౌళి శాఖ (Textile Dept) ఇచ్చే చేనేత గుర్తింపు కార్డ్, రేషన్ కార్డ్, ఆధార్ కార్డ్, ఆధార్ అప్డేట్ హిస్టరీ.
6. మత్స్యకార పింఛన్ (Fishermen Pension)
- అర్హత: 50 సంవత్సరాలు పైబడి ఉండాలి.
- కావలసిన పత్రాలు: మత్స్య శాఖ జారీ చేసిన గుర్తింపు కార్డ్, రేషన్ కార్డ్, ఆధార్ కార్డ్, ఆధార్ అప్డేట్ హిస్టరీ, ఇన్కమ్ సర్టిఫికెట్.
7. డప్పు కళాకారులు & చర్మకారులు (Dappu & Charmakara Pension)
- అర్హత: 50 సంవత్సరాలు పైబడి ఉండాలి.
- కావలసిన పత్రాలు: సాంఘిక సంక్షేమ శాఖ (Social Welfare Dept) ఇచ్చిన గుర్తింపు కార్డ్, రేషన్ కార్డ్, ఆధార్ కార్డ్, ఆధార్ అప్డేట్ హిస్టరీ, ఇన్కమ్ & కాస్ట్ సర్టిఫికెట్లు.
8. కల్లు గీత కార్మికులు (Toddy Tappers Pension)
- కావలసిన పత్రాలు: ఎక్సైజ్ శాఖ జారీ చేసిన గుర్తింపు కార్డ్, రేషన్ కార్డ్, ఆధార్ కార్డ్, ఆధార్ అప్డేట్ హిస్టరీ.
9. ట్రాన్స్జెండర్లు (Transgender Pension)
- కావలసిన పత్రాలు: జిల్లా మెడికల్ బోర్డ్ (District Medical Board) జారీ చేసిన ధ్రువీకరణ పత్రం, రేషన్ కార్డ్, ఆధార్ కార్డ్.
పట్టణాలు/మున్సిపాలిటీలలో నివసించే వారి కోసం ప్రత్యేక నిబంధనలు:
AP New Pensions గ్రామీణ ప్రాంతాల్లో ఉన్న వారికి పైన తెలిపిన ధ్రువపత్రాలు సరిపోతాయి. అయితే, పట్టణ లేదా మున్సిపాలిటీ పరిధిలో నివసించే వారు వీటితో పాటు అదనంగా క్రింది పత్రాలను జతచేయాల్సి ఉంటుంది:
- హౌస్ టాక్స్ (ఇంటి పన్ను రశీదు)
- కరెంట్ బిల్లు / కరెంట్ హిస్టరీ (నెలకు 300 యూనిట్లకు మించి వాడకం ఉండకూడదు).
దరఖాస్తు చేసుకునే విధానం:
- కావలసిన డాక్యుమెంట్ల జిరాక్స్ ప్రతులు మరియు లేటెస్ట్ పాస్పోర్ట్ సైజ్ ఫోటోలు సిద్ధం చేసుకోండి.
- దగ్గరలోని గ్రామ/వార్డు సచివాలయానికి వెళ్లి ఉచితంగా పింఛన్ దరఖాస్తు ఫారాన్ని తీసుకోండి.
- అప్లికేషన్ ఫారమ్ను పూర్తి చేసి, డాక్యుమెంట్లు జతచేసి సచివాలయ సిబ్బందికి అందజేస్తే వారు మీ ముందే ఆన్లైన్లో దరఖాస్తు నమోదు చేస్తారు.
- దరఖాస్తు సమయంలో ఆధార్కు లింక్ అయిన ఫోన్ నంబర్కు వచ్చే ఓటీపీని సచివాలయ సిబ్బందికి తెలియజేయాల్సి ఉంటుంది.
NTR Bharosa Pension Application Download Link : Click Here
NTR Bharosa Pension Online Apply Link : Click Here
